གཙུག་ལག་མཐོ་རིམ་རྫོང་ཁའི་ཤེས་ཡོན་ལས་རིམ་འདི་རྒྱལ་ཁབ་རང་དབང་གི་ངོ་རྟགས་གཞུང་སྐད་རྫོང་ཁ་དང་ལམ་སྲོལ། ནང་ཆོས་ཀྱི་ཆོས་ཚན་ཚུ་ལུ་གཏིང་ཟབ་ཀྱི་ཞིབ་འཚོལ་འབད་ཞིནམ་ལས། རྫོང་ཁའི་ཐོག་ལུ་ཞིབ་འཆད་རྩོད་རྩོམ་གསུམ་གྱི་ལཱ་ག་ཅི་འབད་རུང་ཤེས་ཡོན་ལམ་ལུགས་དང་འཁྲིལ་འབད་ཚུགསཔ་བཟོ་ནི་དང་།དམ་པའི་ཆོས་ཀྱི་གཞི་རྩ་གཙོ་བོ་ལས་རྒྱུ་འབྲས། ཐ་དམ་ཚིག། སྒྲིག་ལམ་ཆོས་གསུམ་ཚུ་རྒྱལ་ཁབ་ཡར་རྒྱས་ཀྱི་གནས་སྟངས་དང་འཁྲིལ་སློབ་ཕྲུག་ཚུ་ལུ་སློབ་སྟོན་འབད་ཚུགསཔ་བཟོ་ནི་དང་། དེ་ཚུ་ལཱ་གཡོག་གི་ས་ཁོངས་ནང་ལག་ལེན་དངོས་འཐབ་འབད་ཚུགས་པའི་མཁས་རིག་ཅན་གྱི་སློབ་དཔོན་དྲག་ཤོས་ཅིག་བཟོ་ནིའི་དོན་ལུ་ཨིན། ལྷག་པར་དུ་རྒྱལ་ཁབ་ཡར་རྒྱས་ཀྱི་གནས་སྟངས་དང་མཐུན་པའི་སློབ་སྟོན་ཐབས་ལམ་དང་དབྱེ་ཞིབ་ལམ་ལུགས། གཞན་ཡང་ལྷབ་སྦྱང་དང་ཁྱད་རིག་གོང་འཕེལ་ལུ་ངེས་པར་དགོས་མཁོ་ཆེ་བའི་ཞིབ་འཚོལ་ཐབས་ལམ་དང་། སློབ་སྟོན་གྱི་ལས་རིམ་ནང་བརྡ་དོན་འཕྲུལ་རིག་གི་རིག་རྩལ་ཚུ་ལག་ལེན་དངོས་འཐབ་འབད་ཚུགས་པའི་རིག་རྩལ་སྤྲོད་ནིའི་དོན་ལུ་ཨིན།