རྫོང་ཁ་གཙུག་ལག་གཞི་རིམ་གོང་མའི་ཤེས་ཡོན་ལས་རིམ་འདི་གཙོ་བོ་ར་འབྲུག་གི་ཁྱད་རིག་གནས་ཚད་དང་ལྡན་པའི་འབྲིང་རིམ་སློབ་གྲྭ་འོག་མ་ལས་ འབྲིང་རིམ་སློབ་གྲྭ་གོང་མའི་རྫོང་ཁ་སློབ་དཔོན་དང་། གཞན་ཡང་གཞུང་དང་སྒེར་གྱི་མཐོ་རིམ་སློབ་གྲྭ་ཁག་གི་རྫོང་ཁ་ལེགས་བཤད་པ་ཚུ་ལུ་ རྫོང་ཁ་སྐད་ཡིག་དང་རིག་གཞུང་སློབ་སྟོན་འབད་ཐངས་ཀྱི་སྦྱང་རྩལ་ཐབས་ལམ་དང་ཤེས་ཡོན་སྤྲོད་ཐབས་ལུ་གཞི་བཙུགས་འབད་ཡོདཔ་ཨིན།

སློབ་སྦྱོང་པ་ཚུ་གིས་དེང་དུས་ཀྱི་གནས་སྟངས་དང་མཐུན་པའི་སློབ་སྟོན་འཆར་གཞི་བཟོ་སྟེ་སློབ་སྟོན་འབད་ཐངས་དང་། བརྡ་དོན་འཕྲུལ་རིག་གི་རིག་རྩལ་ མ་འདྲཝ་ཚུ་གནས་སྟངས་ངོ་མའི་ནང་ལག་ལེན་འཐབ་ཚུགས་ནིའི་དོན་ལུ་དང་། འབྲུག་གི་སྲོལ་རྒྱུན་ཆོས་ཀྱི་ལྟ་སྒོམ་སྤྱོད་གསུམ་ཚུ་གི་ཐོག་ལས་ སློབ་སྟོན་གྱི་ལཱ་གཡོག་ལུ་བརྩི་མཐོང་བསྐྱེད་དེ་ ལྷག་བསམ་དག་པའི་སྒོ་ལས་ ཁྱད་རིག་ཅན་གྱི་སློབ་དཔོན་ཅིག་སྦེ་འབྲུག་གི་འབྲིང་རིམ་སློབ་གྲྭ་ཚུ་ནང་ དམ་ཚིག་བསྟེན་ཏེ་ཕྱག་ཕྱིད་ཞུ་ཚུགས་པའི་ཞི་གཡོགཔ་ལེགས་ཤོམ་ཅིག་བཟོ་ནིའི་དམིགས་གཏད་བསྐྱེདཔ་ཨིན།