| Master of Education in Dzongkha Studies (Part Time) |
ལས་རིམ་གྱི་དམིགས་ཡུལ།
དང་པ། རྫོང་ཁའི་ཐོག་ལས་ ཆོས་ཚན་ག་ཅི་ར་སློབ་སྟོན་འབད་དགོཔ་ཐོན་རུང་ ཞིབ་འཚོལ་གྱི་ལཱ་ལུ་གཞི་བཅོལ་ཏེ་ ཕན་ཐོགས་ ཡོད་མེད་ཀྱི་དབྱེ་བ་དང་ བརྟག་དཔྱད་ཚུ་ ཁོང་ར་གིས་ཞིབ་ཞིབ་སྦེ་ འབད་ཚུགས་ནི།
གཉིས་པ། གཙུག་ལག་མཐོ་རིམ་རྫོང་ཁའི་ཤེས་ཡོན་སློབ་སྦྱོང་ནང་ལུ་ རང་ལུགས་དང་རིག་གསར་གྱི་སློབ་སྟོན་ཐབས་ཤེས་ཚུ་ རྒྱས་ཤིང་རྒྱསཔ་འབད་སློབ་སྟོན་འབད་ནི་ཡོདཔ་ལས་ སློབ་སྟོན་དང་འབྲེལ་བའི་ལཱ་གི་རིགས་དང་དབྱེ་ཞིབ་འབད་ཐངས་ ཞིབ་འཚོལ་འབད་ཐངས་ཚུ་ གཙུག་ལག་གཞི་རིམ་བར་མ་དང་ གོང་མ་ལས་ལྷག་པའི་ཤེས་ཡོན་དང་རིག་རྩལ་གྱི་ཉམས་མྱོང་ཚུ་ཐོབ་སྟེ་ སློབ་གྲྭ་ནང་ སློབ་ཕྲུག་གི་ཤེས་ཡོན་གྱི་སྤུས་ཚད་དང་ ལྕོགས་གྲུབ་ཚུ་ཡར་རྒྱས་གཏང་ཚུགས་ནི།
གསུམ་པ། སྐད་ཡིག་གི་འབྱུང་ཁུངས་ལས་འགོ་བཙུགས་ཏེ་ རྒྱལ་ཁབ་དང་ ལུང་ཕྱོགས་སོ་སོའི་ཁ་སྐད་ཀྱི་འགྱུར་བ་ཚུ་ཞིབ་འཚོལ་འབད་དེ་ རྒྱལ་ཁབ་ཀྱི་སྲོག་ཤིང་ རྫོང་ཁའི་སྐད་ཡིག་འདི་མི་ཉམས་གོང་འཕེལ་གཏང་ནི་དང་ ཉམས་པ་སོར་ཆུད་འབད་ནིའི་ ཐབས་ཤེས་ཚུ་སྟོན་ཚུགས་ནིའི་དོན་ལུ་ཨིན།
ལས་དོན།
- རྫོང་ཁའི་སྐད་ཡིག་གི་ཁྱད་པར་དང་ འབྱུང་ཁུངས་ཚུ་ ག་དེ་སྦེ་ཨིན་ན་ ཁ་གསལ་འབད་ཞིབ་འཚོལ་གྱི་ཐོག་ལས་ར་ཁུངས་སྦྲགས་ཏེ་ བཤད་པ་རྐྱབ་ཚུགས་ནི།
- རྫོང་ཁའི་སྐད་ཡིག་ཟེར་མི་འདི་ ཕར་ཚུར་བརྡ་དོན་རྒྱུན་འབྲེལ་འཐབ་ཚུགསཔ་རྐྱངམ་ཅིག་གི་དོན་ལས་ ལག་ལེན་ འཐབ་མེན་པར་ ཕྱིའི་བྱ་སྤྱོད་དང་ནང་གི་མནོ་ལུགས་ཚུ་ཡང་ རྫོང་ཁའི་སྐད་ཡིག་འདི་ལུ་བརྟེན་ཏེ་ ལེགས་ཤོམ་ འབད་བདག་འཛིན་འཐབ་ཚུགསཔ་ཨིན་པའི་སྐོར་ལས་ ཞིབ་འཚོལ་གྱི་གྲུབ་འབྲས་ལུ་བརྟེན་ གཞན་ལུ་གོ་བརྡ་ སྤེལ་ཚུགས་ནི།
- ཞིབ་འཚོལ་ཟེར་མི་འདི་ ག་དེམ་ཅིག་ལུ་ཧ་གོ་དགོཔ་ཨིན་ན་དང་ ཞིབ་འཚོལ་འབད་ཐངས་ཀྱི་ཐབས་ཤེས་ མ་ འདྲཝ་ཡོད་མི་ཚུ་ངོས་འཛིན་འབད་དེ་ ལག་ལེན་དངོས་འཐབ་འབད་ཚུགས་ནི།
- ཞིབ་འཚོལ་གྱི་གྲོས་འཆར་འབྲི་ནི་དང་ མཁོ་ཆས་བཅའ་སྒྲིག་རྐྱབ་ཐངས་ གྲུབ་འབྲས་གསལ་བཏོན་འབད་ཐངས་ཚུ་ ཞིབ་འཚོལ་གྱི་ལམ་ལུགས་ལས་མ་འགལཝ་འབད་ ལག་ལེན་འཐབ་ཚུགས་ནི།
- ཐབས་ཤེས་ཀྱི་དབྱེ་བ་ལེ་ཤ་ཡོད་མི་ཚུ་ལས་ སྦྱོང་ཚན་གྱི་དོན་ཚན་དང་འཁྲིལ་ཏེ་ འབྲེལ་བ་ཡོད་པའི་ཐབས་ཤེས་འདི་ དབྱེ་དཔྱད་ཀྱི་ཐོག་ལས་ གདམ་ཁ་རྐྱབ་སྟེ་ ལག་ལེན་འཐབ་ཚུགས་ནི།
- རིག་རྩལ་བཞི་དང་འབྲེལ་བ་ཡོདཔ་འབད་ སྦྱོང་ལཱ་བཅའ་སྒྲིག་རྐྱབ་ནི་ལུ་ ཁྱད་འཕགས་ཅན་ཅིག་ལུ་འགྱུར་ཏེ་ སློབ་ དཔོན་གཞན་ཚུ་ལུ་ ལམ་སྟོན་འབད་ཚུགས་ནི།
- རྫོང་ཁའི་ཡི་གུ་འབྲི་ནི་དང་ ལྷག་ནི་གཉིས་ལུ་ རྗོད་སྒྲའི་ཁྱད་པར་ཡོད་དགོ་པའི་ཁུངས་དང་དགོས་པ་ཚུ་ གཞན་གྱིས་ ཡིད་ཆེས་བསྐྱེད་ཚུགསཔ་འབད་ བཤད་པ་རྐྱབ་ཚུགས་ནི།
- འཛམ་གླིང་རྒྱལ་སྤྱི་དང་ འབྲུག་རྒྱལ་ཁབ་ཀྱི་ལུང་ཕྱོགས་སོ་སོའི་ངག་གཤིས་ལུ་བརྟེན་ རྫོང་ཁའི་རྗོད་སྒྲ་ཚུ་ ཟུར་ ཉམས་ཏེ་འགྱོ་མི་འདི་ ཞིབ་འཚོལ་གྱི་ཐོག་ལས་ ངོས་འཛིན་འབད་དེ་ རྒྱལ་ཡོངས་ཀྱི་གནས་ཚད་ལུ་ གྲོས་འཆར་ བཀོད་ཚུགས་ནི།
- ཤེས་ཡོན་འབྲི་རྩལ་འདི་ ལྷབ་དགོ་པའི་ཁུངས་དང་དགོས་པ་ཚུ་ ཁ་གསལ་འབད་ཧ་གོ་སྟེ་ རང་གིས་འབྲི་དགོ་རུང་ ནོར་འཁྲུལ་མེད་པར་ འབྲི་ཤེསཔ་ཅིག་དང་ གཞན་ལུ་སློབ་སྟོན་འབད་དགོ་རུང་ ལྷག་ཆད་ཀྱི་སྐྱོན་མེདཔ་འབད་ སློབ་སྟོན་འབད་ཚུགས་ནི།
- རྩོམ་བྲིས་ཀྱི་ལཱ་ ག་ཅི་ར་འབད་རུང་ དཔེ་དེབ/ཡིག་ཆའི་ནང་ན་ ལུང་འདྲེན་འབད་ཐངས་དང་ མཇུག་ལུ་རྒྱབ་རྟེན་ གྱི་དཔེ་ཐོ་བཀོད་ཐངས་ཚུ་ ལམ་ལུགས་དང་འཁྲིལ་ཏེ་ ལག་ལེན་འཐབ་ཚུགས་ནི།
- སློབ་སྟོན་དང་འབྲེལ་བའི་དུས་རྒྱུན་དང་ སྦྱང་རྒྱུགས་ཀྱི་དབྱེ་ཞིབ་ ཚུལ་དང་མཐུནམ་སྦེ་ ལག་ལེན་འཐབ་ཤེས་ནི་དང་ གཞན་ལུ་ཡང་རྒྱབ་སྐྱོར་བྱིན་ཚུགས་ནི།
སློབ་སྦྱོང་གཞི་བཀོད། (Curricular Structure)
ལོ་ངོ་ ༣ གྱི་རིང་ལུ་ གནམ་དགུན་ངལ་གསོའི་སྐབས་ བདུན་ཕྲག་ ༦ རེ་འབད་ ལས་རིམ་འདི་འགོ་འདྲེན་འཐབ་ནི་ཨིན། དེ་ནང་སྦྱོང་ཚན་ (Module) ཡོངས་བསྡོམས་ ༡༢ ཀྱི་རྩིས་སློབ་སྟོན་འབད་དགོ། སློབ་སྦྱོང་གཞི་བཀོད་འདི་ གཤམ་འཁོད་ལྟར་དུ་ཨིན། (Course Structure)
| སྦྱོང་ཚན། | ལོ་ངོ་དང་པ། | ལོ་ངོ་གཉིས་པ། | ལོ་ངོ་གསུམ་པ། | དུས་ཡུན་ཐོབ་ཚད། |
| ཁྱད་སྦྱང་།
(Major) |
KYG503
སྐད་ཡིག་ཞིབ་སྦྱོང་། |
KYG604
བློ་གི་འགྲོ་ལུགས། |
སློབ་རིག་སྦྱོང་འཐུས་
༡༥x༢=༣༠ |
|
| ཁྱད་རིག་ཡར་རྒྱས།
(Profesional Development) |
SDT501
ཤེས་ཡོན་འབྲི་རྩལ། Academic writing RES501 ཤེས་རིག་དང་འབྲེལ་བའི་ཞིབ་འཚོལ་ངོ་སྤྲོད། Introduction to Educational Research |
RES602
ཤེས་རིག་ཞིབ་འཚོལ་ཐབས་ལམ། Approaches to Research Method in Education LTL606 སློབ་སྟོན་ཐབས་ལམ། Teaching Strategies |
STA701
ཤེས་ཡོན་བརྟག་དཔྱད་དང་དབྱེ་ཞིབ། Educational Assessment and Evaluation PSY503 སློབ་སྦྱོང་རྣམ་གཞག Principles of Learning |
སློབ་རིག་སྦྱོང་འཐུས་ ༡༥x༦=༩༠ |
| ཞིབ་འཚོལ།
(Research) |
RES703 ཞིབ་འཚོལ་རྩོམ་ཡིག། (Dissertation) ལོ་ངོ་གཉིས་པ་ལས་འགོ་བཙུགས་ནི) |
སློབ་རིག་སྦྱོང་འཐུས་ 15×4=60 | ||
འཛུལ་ཞུགས་དགོས་མཁོ། (Entrance requirments)
ཀ/ གཙུག་ལག་མཐོ་རིམ་རྫོང་ཁའི་ཤེས་ཡོན་སློབ་སྦྱོང་གི་དོན་ལས་ གདམ་འཐུ་དང་པ་འདི་ ཤེས་རིག་ལྷན་ཁག་གིས་གནང་ནི། དེ་བསྒང་ ཚད་གཞི་ངོ་མ་གཅིགཔོ་འདི་ རྫོང་ཁ་ཤེས་རིག་གཙུག་ལག་གཞི་རིམ་ (B.Ed) དང་ རྫོང་ཁ་ཤེས་རིག་གཙུག་ལག་གཞི་རིམ་གོང་མ་ (PGDE) གི་ལག་ཁྱེར་ གང་རུང་ཅིག་ཡོད་མེད་ལུ་ གཞི་བཞག་ཞིནམ་ལས་ འབྲེལ་བ་ཡོད་པའི་ཚད་གཞི་གཞན་ ག་ཅི་རང་བཟོ་རུང་ ཤེས་རིག་ལྷན་ཁག་གིས་བཟོ་གནང་ནི།
ཁ/ གདམ་འཐུ་གཉིས་པ་འདི་ སྤ་རོ་ཤེས་རིག་མཐོ་རིམ་སློབ་གྲྭ་གིས་གནང་ནི། དེ་གི་སྐབས་ གདམ་འཐུའི་ཚད་གཞི་འདི་ རྫོང་ཁ་སྐད་ཡིག་བརྟག་དཔྱད་ཆོས་རྒྱུགས་རྐྱངམ་ཅིག་ལུ་ གཞི་བཞག་ཞིནམ་ལས་ སྐུགས་ཚད་མཐོ་ཤོས་ཐོབ་མི་ལས་འགོ་བཙུགས་ཏེ་ ལོ་བསྟར་བཞིན་དུ་ སློབ་སྦྱོང་པ་ ༢༥ རེ་གདམ་འཐུ་འབད་ནི། དེ་གི་སྐབས་ལུ སྐུགས་ཚད་དམའ་ཤོས་ བརྒྱ་ཆ་ ༥༠ ངེས་པར་དུ་ཐོབ་དགོཔ་ཨིན། ལོ་བསྟར་བཞིན་དུ་ སློབ་སྦྱོང་པའི་གྱངས་ཁ་ ༢༥ རེ་ལེན་ནི་དང་ དེ་ཡང་ བརྒྱ་ཆ་ལས་འབད་བ་ཅིན་ གཞུང་གི་ ༧༠% དང་ སྒེར་གྱི་ ༣༠% ལེན་ནི། དེ་སྦེ་ གྱངས་ཁ་ ༢༥ རེ་འབད་བཞག་དགོ་མི་འདི་ སློབ་སྟོན་དང་འབྲེལ་བའི་མཐུན་རྐྱེན་མཁོ་ཆས་ཚུ་ལུ་གཞི་བཞག་སྟེ་ཨིན།
For Inquiries , you may contact:Mr. Ngawang Jamtsho Mr. Karma Yeshey Programme Leader Dean of Academic Affairs Master of Education in Dzongkha Email: karmayeshey.pce@rub.edu.bt Email: ngawangjamtsho.pce@rub.edu.bt Phone # +975-8-271620 Phone # +975-8-271487
Fee Structure Inquires about tuition fees may be directed to sangaychoden.pce@rub.edu.bt at phone number +975-8-271497 |